VOLTA, NOVO DISCO DE BUDIÑO
AGO 10 - Tivemos a sorte de participar na creación do novo proxecto discográfico de Xosé Manuel Budiño; compartindo unha gran experiencia con xente da altura de Cristobal Vidal, Guy Pranzili, Silvia Fervenza, Jacobo e Damián Gayo. Todo un pracer.
DESIGNERS FOR HAITÍ
XAN 10 - Unha plataforma creada por deseñadores para a recadación de fondos para a Cruz Vermella. Pouco máis podemos engadir, colabora!
Designers for Haití [graffica.info]
0032, INSPIRAR EXPIRAR
XAN 10 - 0032 é unha publicación da Asociación Galega de Deseñadores, que ten orixe na Internet pero con vocación de ser impresa ao acadar as 32 páxinas dun prego compaxinado. Para este primeiro número, o estudio colabora na reflexión sobre a identidade persoal e xeográfica do individuo creativo. A transcrición dunha conversa entre Uqui Permui e Martiño Villaverde mantida por correo electrónico. Atopamos tamén, artigos e pezas de: Óscar Otero, Gisela Ahumada, Marcos Dopico, Natalia Crecente e Segundo Fernández.
Coordina proxecto e deseño de artigo: Uqui Permui
0032.pdf
PECHA KUCHA NIGHT II
DEC 09 - Quen dixo que as segundas partes nunca foron boas? Tivemos novamente o pracer de organizar o PKN de Pontevedra o pasado día 11 de decembro. Contamos coa participación de Andrea Dasilva (fotografía e deseño), Baldo Ramos (arte e poesía), Que palleiro (deseño e audiovisual), Eva Morell (fotografía), Lucía García (arte), Marcos Dopico (tipografía), Pepe Solla e Pepe Vieira (cociña de vangarda), Rita Pajarita (moda), Projecto ['Trepia] (música), N550 (i+d+i), Arturo Álvarez (deseño emocional) e Anxo Fariña (ilustración).
Publicación: revista DOT, Chachachá Studio
Vídeo: [sic]*
TERRAS GAUDA
DEC 09 - Un traballo do estudio foi seleccionado como finalista de entre máis de 1.400 participantes, de 45 países de todo o mundo, no oitavo concurso Francisco Mantecón. Nesta esta edición do certame, a adega Terras Gauda convidou a formar parte do xurado a Pep Carrió (estudio Carrió Sánchez Lacasta) e Javier Martínez Vidal (revista Elle). Gañar non gañamos, pero os pinchos estaban moi bos.
"DIÁLOGOS" NO PAZO DA CULTURA DE PONTEVEDRA
XUL 09 - O primeiro de xullo inaugúrase o proxecto expositivo "Diálogos", organizado pola DAG coa finalidade de visibilizar o deseño galego na sociedade. Forman parte deste proxecto: unha exposición de identidades visuais, "Entorno da Baskerville" o resultado do taller sobre tipografía "O ollo na rúa" e a festa da creatividade "Pecha Kucha Night". O traballo que desenvolvimos para Patricia Cela foi seleccionado para formar parte desta mostra.
PECHA KUCHA NIGHT Pontevedra
MAI 09 - Temos o pracer de colaborar co proxecto “Diálogos” organizando o primeiro evento PKN de Galicia, que terá lugar o vindeiro 10 de xullo en Pontevedra. Para participar podedes enviar, antes do 15 de xuño, un mínimo de 5 imaxes e unha descrición do voso traballo creativo a:
EN TORNO DA BASKERVILLE
XAN 09 - A asociación de deseñadores de Galicia -ADG- organiza no CGAG unha exposición en torno á tipografía do século XVIII Baskerville, un conxunto de intervencións de diferentes deseñadores galegos sobre o libro coma obxecto. A manipulación conceptual sobre un obxecto seriado, clónico, que vólvese único e orixinal ó pasar polas mesmas mans que fixo posible a súa reprodución. Esta mostra permanecerá aberta ata o un de marzo.
POR UN DOMINIO .gal
DEC 08 - A asociación "PuntoGal" está facendo unha importante labor para conseguir un dominio galego en Internet, como xa conseguiron outras comunidades coma a catalana. Apoiamos esta iniciativa e animamos a que visitedes o seu site e rubriquedes tamén o voso apoio.
DESEÑO HOLANDÉS EN A CORUÑA
DEC 08 - A fundación Barrié de la Maza trae a Coruña máis de centro corenta pezas do deseño industrial holandés contemporáneo, nos que se atopan algúns deseñadores xa consagrados no mercado internacional. Ata o 25 de xaneiro en Coruña e a partir do 19 de febreiro en Vigo.
O VALOR DO DESEÑO
DEC 08 - Publicado pola asociación de deseñadores da Comunidad Valenciana (ADCV) este libro é unha guía práctica para empresas e deseñadores que recolle toda a información necesaria sobre a xestión do deseño, as tarifas do mercado, os dereitos de autor ou como planificar un concurso público.
Deseño: Boke Bazán
Maquetación: Jesús Garrido
